Is í an rannóg acmhainní daonna a dhéanann taighde agus forbairt ar straitéisí agus ar bheartais acmhainní daonna chun tacú le húdaráis áitiúla chun a gceanglais soláthair sheirbhíse a chomhlíonadh.
Tugtar treoir, comhairle agus tacaíocht d’údaráis áitiúla maidir le conas aghaidh a thabhairt go héifeachtach ar riachtanais oiliúna agus forbartha a bhfostaithe ar mhaithe le spriocanna oibriúcháin na todhchaí a chomhlíonadh. Tugtar raon leathan de chomhairle agus de thacaíocht ar shaincheisteanna reachtaíochta agus acmhainní daonna i réimsí cosúil le comhionannas deiseanna, ilchineálacht agus míchumas chomh maith.
Soláthraíonn siad comhairle, faisnéis agus treoir bunaithe ar dhea-chleachtas agus ar chaighdeáin idirnáisiúnta chun cabhrú le húdaráis áitiúla chun an tAcht um Shábháilteacht, Sláinte agus Leas ag an Obair 2005 a chomhlíonadh.
Tacaíonn agus déanann an rannóg seo maoirseacht agus athbhreithniú ar fhorfheidhmiú an chláir nuachóirithe i gcomhpháirtíocht trí bhíthin an Fhóraim Chomhpháirtigh Bhainistíochta / Ceardchumainn, Grúpa Comhairleach Comhpháirtíochta Náisiúnta na nÚdarás Áitiúil (LANPAG). Éascaíonn siad obair iliomad líonraí in earnáil an údaráis áitiúil.