Príomhghné d’obair OLAM is ea a chinntiú go gcuirtear meon chóras na n-údarás áitiúil, arna chur in iúl ag an CCMA agus ag a struchtúir choiste, faoi bhráid na Rann agus na nGníomhaireachtaí ábhartha. Déantar sin ar bhonn pleanáilte agus ar bhonn sofhreagrach le linn na bliana, agus áirítear leis an t-ionchur ó chleachtóirí na n-údarás áitiúil i gcomhcheangal le hacmhainn taighde OLAM.
Déantar é ar líon bealaí éagsúla:
- Trí aighneachtaí agus dearcpháipéir;
- Trí idirchaidreamh díreach le státseirbhísigh shinsearacha agus le hAirí;
- Trí dheiseanna a aithint ar mhaithe le cumarsáid níos leithne;
- Trí phreaseisiúintí ar shaincheisteanna ábhartha;
- Trí ábhar fíorasach faoi údaráis áitiúla a chur i dtoll a chéile agus a scaipeadh;
- Trí Tháscairí Seirbhíse bliantúla i dTuarascálacha na nÚdarás Áitiúil.
Is é Cumann na mBainisteoirí Contae agus Cathrach (CCMA) comhlacht ionadaíoch na mBainisteoirí sinsearacha i Rialtas Áitiúil na hÉireann. Tionóltar an Cumann go hócáideach chun cásanna imní comónta a phlé agus cur chuige comhtháite ón gcóras údaráis áitiúil a chur chun cinn maidir le saincheisteanna ábhartha agus tábhachtacha lena n-áirítear dea-chleachtas a fhorbairt, reachtaíocht a fhorfheidhmiú agus saincheisteanna ginearálta oibriúcháin. Cuireann an CCMA an seasamh i láthair, labhraíonn siad thar ceann na mBainisteoirí agus feidhmíonn siad trí líon áirithe coistí agus baineann gach ceann de na coistí sin le réimse sonrach beartais.
Is iad seo a leanas na Coistí:
- Forbairt Pobail, Shóisialta agus Eacnamaíoch;
- An Comhshaol;
- Airgeadas Rialtais Áitiúil;
- Tithíocht;
- Seirbhísí Uisce;
- Úsáid Talún agus Iompar.
Cuireann Cathaoirleach gach ceann de na Coistí seo tuairisc faoi bhráid CCMA. Téann na coistí seo i gcomhairle chomh maith le ranna agus gníomhaireachtaí ábhartha rialtais ar bhonn struchtúrtha. Tá an CCMA féin cleamhnaithe le go leor comhlachtaí náisiúnta agus idirnáisiúnta agus déantar ionadaíocht thar a cheann ar na comhlachtaí sin.