Bunaíodh an Bord Seirbhísí Bainistíochta Rialtais Áitiúil (BSBRÁ) faoin Ordú Bunaithe I.R. 410 de 1996 agus tháinig sé i bhfeidhm ar an 1chd Eanáir 1997. Ba í An Roinn Comhshaoil a bhunaigh BSBRÁ.
Bunaíodh an BSBRÁ, faoin Ordú Bunaithe;
Seirbhísí a sholáthar d’údaráis áitiúla agus do chomhlachtaí eile den sórt, a d’fhéadfadh a bheith ainmnithe ó am go ham de bhun alt 3 (2) den Acht-
(1) ar seirbhísí iad a éileoidh siad, chun críocha idirbheartaíochtaí foirne, lena n-áirítear imeachtaí faoi scéim ar bith idir-réitigh agus eadrána agus imeachtaí na Cúirte Oibreachais, agus
(2) seirbhísí bainistíochta eile den sórt, ar seirbhísí iad a éileoidh siad, agus
(3) seirbhísí a sholáthar do bhainisteoirí ar seirbhísí iad amhail cruinnithe bainisteoirí agus seirbhísí tacaíochta eile den sórt a chinnfidh an Chomhairle ó am go ham, agus ar seirbhísí iad is féidir leis an mBord a sholáthar taobh istigh de theorainneacha na ranníocaíochtaí airgeadais arna ndéanamh ag na comhairlí contae agus bardais chontaebhuirge uile leis an mBord faoi airteagal 5(20) (b) chun seirbhísí a sholáthar faoin mír seo.
Go hachomair is é cuspóir BSBRÁ, arna leagan amach san Ordú Bunaithe, cibé seirbhísí, ar seirbhísí iad a éileoidh siad, a sholáthar d’údaráis áitiúla chun críocha idirbheartaíochtaí foirne, acmhainní daonna agus seirbhísí eile bainistíochta den sórt. Bhí de dheis leis an sainchúram nua seo cur le gníomhaíochtaí BSBRÁ seachas mar a bhíodh faoin bhfeidhm thraidisiúnta chaidrimh thionsclaíoch a bhíodh ag an iarBhord Comhchaibidlí Foirne Rialtais Áitiúil.
Tá an tOrdú Bunaithe le fáil ach cliceáil anseo.